Студиска посета “Stand Together in Solidarity“

Во октомври 2019 година, двајца учесници од Еквалис беа на студиска посета „Stand Together in Solidarity“ во Драч, Албанија, со цел да ги прошират своите знаења за Еразмус+ и ЕВС/ЕСЦ. На студиската посета присуствуваа учесници од 10 земји (Албанија, Северна Македонија, Бугарија, Белгија, Холандија, Турција, Шпанија, Италија, Романија и Грција). Студиската посета траеше околу 6 дена и во тие денови имаше многу активности и практики кои помогнаа да се дознае повеќе за темата. Исто така, имаше посети на некои од невладините организации во околните градови како Тирана, Берат и Фиер, многу активности, можности за средба со луѓе со различни култури и секако многу вежби за ЕВС/ЕСЦ. По завршувањето на студиската посета во октомври, следен беше семинарот за вмрежување во Италија на кој присуствуваше еден од членовите на тимот на Еквалис.