Тимот на Еквалис

Работи како програмска асистентка во Еквалис. Како дел од Еквалис, Надица асистира во спроведување и мониторинг на едукативни програми во Еквалис. Таа работи и во давање на менторска поддршка на членовите од Младинската мрежа за еднаквост, ги поддржува експертите коишто спроведуваат младински програми во Еквалис и е одговорна за координација на волонтерите во организацијата. 

Надица е дипломиран педагог со работно искуство во неформално образование. Мометално таа е и студент на втор циклус студии по педагошки науки на Филозофскиот факултет во Скопје. Таа има работено и волонтирано во полињата на родова еднаквост, сеопфатно сексуално образование, ЛГБТИ права, медиумска писменост и демократија.

Работи како финансиска координаторка во Еквалис. Како дел од својата позиција, Сања исто така работи и на логистичка поддршка на програмите, проектите и административните процеси во организацијата. 

Сања е дипломиран наставник по одделенска настава со 12 годишно искуство во работа во невладиниот сектор и во програми базирани на неформално обраозвание. Дополнително, таа има дополнителна едукација во областа на финансиски менаџмент и сметководствени процеси.

Работи како програмски координатор во Еквалис. Како дел од оваа позиција, Ангел е одговорен  за дизајнирање, имплементација  и мониторинг на едукативните програми што се спроведуваат во Еквалис и овозможува нивно следење во однос на стратешки области на организацијата. Ангел ја координира Младинската мрежа за еднаквост,  медиумските програми и програмите за демократија во Еквалис. 

Тој има магистрирано на Универзитетот Тампере во Финска со специјалност во медиумска писменост и медиумска едукација. Има професионално искуство во работа во Американска ЛГБТИ+ организација со фокус на превенција од насилство и самоубиство кај млади ЛГБТИ+ лица. Има 7 годишно искуство во областа на спроведување тренинзи и младински програми базирани на неформално образование.