Еквалис активно се залага за подобрување на состојбата на демократијата во Северна Македонија. Нашата организација работи на обезбедување образовни можности за младите, граѓаните, активистите и едукаторите, кои ќе го олеснат градењето на инклузивни демократски општества. Ние имаме визија за демократија која е изградена на потребите на оние кои се маргинализирани и каде маргинализираните заедници преземаат акција во обликувањето на инклузивни демократии.
Во 2019 година, Еквалис започна со првите и еден од најголемите напори за справување со темите за демократија- од младинска перспектива. Со поддршка на European Endowment for Democracy го отворивме нашиот првиот младински центар со фокус на демократија кој претставуваа физички простор каде младите, младинските активисти, неформалните групи и движења можат да се здружат, да градат визии за подобрување на демократскиот пејзаж во Северна Македонија, и заедно да стратегизираат и да подготват конкретни акции. Преку нашиот центар понудивме разновидна програма поврзана со овозможување на средина каде што активистите би можеле да се соберат, да бидат домаќини на разговори со активисти, дијалози и обуки. Просторот беше отворен за бесплатно користење на групи како Сојузот на средношколци кои го користеа просторот за нивните состаноци, а понатаму и за јавни акции и протести. Еквалис инспирираше голем број млади луѓе да преземат акција во форма на ненасилни акции на улица, герила акции и јавни интервенции, кои практикуваа граѓански активизам со младите како важен аспект за градење на одржливи демократии.
Еквалис работеше и на подобрување на демократската атмосфера во средните училишта и во средношколските претставнички тела. Проектот „МЛАДОКРАТИЈА- Унапредување на демократската и партиципативната култура во претставничките тела на средните училишта“, проект поддржан од Европската младинска фондација и Советот на Европа ги вклучи средношколците од сите региони во Северна Македонија, во многу комплексен процес на учење и практикување демократски практики во нивните средини на живеење, студирање и работа. Преку овој проект младите го збогатија своето политичко знаење и го осознаа влијанието што може да го имаат врз донесувањето на локални одлуки, почнувајќи од малите претседателски избори во нивното училиште, па до повисоките платформи за младинско здружување. Овој процес резултираше со поголем интерес за изборната култура во средните училишта и особено со поголемо вклучување на маргинализираните млади, жените и ЛГБТИК+ младите како важни чинители во овие тела.
Во 2022 година, Еквалис беше официјален спроведувач на кампањата „ Democracy Here | Democracy Now “ во Северна Македонија – кампања што се спроведуваше во сите држави членки на Советот на Европа. Кампањата беше посветена на ревитализација на демократијата и иницирана. Democracy Here | Democracy Now е младинска кампања на Советот на Европа за ревитализација на демократијата и за зајакнување на меѓусебната доверба меѓу младите луѓе, демократските институции и демократските процеси. Кампањата се фокусира на пристапот до човековите права, значајното младинско учество и влијанието на дигитализацијата како фактори на демократизација. Преку нашата локална работа, работевме на подготвување на активистите за тоа како да анализираат и креираат стратешки одговори кон различни антидемократски групи, како што е анти-родовото движење. Како дел од кампањата, Еквалис присуствуваше на Младинската недела за акција во Стразбур-Франција – водечки настан на кампањата Democracy Here | Democracy Now, и на годишнината од 50 години младински сектор во Советот на Европа. Неделата на младинска акција на Советот на Европа собра на едно место активисти, членови на граѓанското општество, земји-членки и партнери од младинскиот сектор. Како дел од кампањата – го изработивме „Демократијата сега – Повик за акција“– план од 50 точки за ревитализација на демократијата.
Еквалис ќе продолжи да работи на унапредување на демократијата и во наредните години, каде што со поддршка на National Endowment for Democracy ќе спроведеме 3 младински програми ориентирани кон образование за демократија: младинско граѓанско учество, артивизам и онлајн активизам. Дополнително, Еквалис ќе спроведе национална медиумска кампања заснована на важноста на вклучување на младите како активни придонесувачи во градењето на инклузивни демократии, ќе издаде Прирачник за активисти и ќе организира национална конференција за вмрежување за млади активисти и други демократски чинители.
Конечно, Еквалис е посветен на претставување на визиите што ги градиме за инклузивни демократии пред релевантните власти. Заклучоците од нашето учество во кампањата „ Democracy Here | Democracy Now “ беа доставени до претставник во Владата на Северна Македонија, потоа до земјите-членки на Советот на Европа и други релевантни чинители. При идната работа што Еквалис ќе ја преземе во однос на подобрувањето на демократијата, Еквалис ќе ги информира и ангажира институциите и креаторите на политики, секојпат кога е тоа можно.