Ekvalis
17.1.2023
Настани
Здружението за едукативен развој- ЕКВАЛИС во соработка со ПИНА- Платформа за истражувачко новинарство и анализи отвораат повик за учесници на младинската програма за онлајн активизам. Програмата е отворена за млади од 15 до 30 години од територијата на град Скопје. Целта на оваа програма е да им понуди на младите заинтересирани за активистичко дејствување алатки за артикулирање на нивните гласови во онлајн просторот, да ги запознае младите со тоа како функционираат медиумите, а особено социјалните медиуми, како и да развие критички пристап кон медиумските пораки и информации со коишто младите се сретнуваат дневно.
Програмата ќе се одвива целосно онлајн. Фокусот ќе биде ставен на осознавање на потенцијалите на интерактивноста и воспоставувањето двонасочна комуникација користејќи ги социјалните мрежи, особено преку Инстаграм (влогирање, вклучувања во живо, квизови, прашања од следбеници и останати мапирани интерактивни начини).
Првиот модул од оваа програма беше спроведен во периодот март и април и учесниците спроведоа медиумска кампања насловена како #спасзаучебнатагодина каде што беше покрената онлајн петиција, креирани мобилни видеа и графички решенија во коишто се вршеше следења на спроведувањето на онлајн наставата во основните и средните училишта.
Во овој втор модул на програмата ќе бидат обработувани две теми (израни од страна на учесниците од првиот модул на оваа програма), а тоа се: перцепцијата на сопственото/туѓото тело и ЛГБТ+ инклузија. Онлајн сесиите се одржуваат на платформата Zoom, и се одржуваат по претходно доставен распоред. По секоја сесија се задава и индивидуална или групна работа како дел од програмата.
Младинската програма за онлајн активизам е предводена од експерти по медиумска едукација и медиумска писменост, но исто така во рамки на програмата гостуваат и говорници коишто имаат директни искуства поврзани со темите коишто се предмет на обработка на програмата.
Доколку сте заинтересирани да земете учество на програмата, ве молиме пополнете го формуларот на следниот линк -најдоцна до 04 мај до 12:00 часот.
Доколку имате дополнителни прашања, контактирајте не на info@ekvalis.org.mk.