ПОВИК ЗА ЧЛЕНОВИ НА МЛАДИНСКАТА МРЕЖА ЗА ЕДНАКВОСТ

Здружението за едукативен развој- Еквалис отвора повик за избор на членови за Младинската мрежа за еднаквост којашто ќе функционира како дел од структурата на Еквалис. Младинската мрежа за еднаквост ќе биде младинско тело коешто ќе има важна улога во работата на Еквалис, а ќе има и изразена компонента како платформа за  локално дејствување на младински активисти од целата држава. Членовите на Мрежата ќе бидат вклучени во предложување, спроведување и оценување на проектните активности во Еквалис, како и изворно застапување за младинските позиции кога Еквалис ќе застапува за одредени прашања од својата мисија на институционално ниво. Покрај тоа, членовите на Мрежата ќе имаат свои лидерски позиции во локалните заедници каде што живеат. Како членови на Мрежата, локалните активисти се очекува да продолжат да се вклучуваат во социјалните движења за промени во коишто веќе се дел, но и да и ги понудат на својата локална заедница своите вештини и активистички ангажмани. Тематските полиња во коишто ќе дејствуваат активистите на Младинскта мрежа за еднаквост се: родовата еднаквост, ЛГБТИ+ еднаквоста и  мултиетничкиот соживот. Мрежата е отворена за младински активисти од територијата на целата држава на возраст од 15 до 30 години. Како дел од првите чекори за станување на дел од мрежата се:

1. Учество на 7 дневен тренинг за членовите на Мрежата (13-19 јануари, 2023) во Кратово
2. Учество во организација и спроведување на јавен настан за промоција на мрежата во Скопје на 11 февруари 2023

Во текот на 7 дневниот тренинг (13-19 јануари, 2023) за членовите на мрежата ќе бидат поставени визиите за функционирањето на мрежата, целите, стратешките позиции на младите во однос на темите во коишто ќе дејствуваат, како и улогата на Мрежата како дел од структурата на Еквалис. На тренингот ќе биде отворен простор за дискусија за потребата за младинско здружување, колективно дејствување и градење заедници во време кога маргинализираните заедници и младите се нападнати од различни анти-демократски групи. Сите членови на Мрежата во текот на тренингот ќе учествуваат и во формирањето на стратегијата на Мрежата којашто како стратешки документ ќе биде компасот за членството. Формирањето на мрежата ќе биде официјализарано на настан во Скопје на 11ти февруари на којшто ќе присуствуваат сите членови на Мрежата, но и останати млади и засегнати страни коишто работат со млади. Сите трошоци за присуството на тренингот во Кратово и настаонт во Скопје поврзани со пат, сместување, храна и материјали за работа ќе бидат покриени од страна на Еквалис. Сите заинтересирани млади што сакаат да станат дел од Мрежата треба да ја пополнат апликацијата на следниот линк     https://forms.gle/rDB8HznPkjiZJ4B5A       најдоцна до 10 декември 2022 до 16:00 часот. Резултатите од селекцијата ќе бидат објавени 10 дена по затворање на рокот. Формирањето на мрежата и активностите кон нејзиното формирање се дел од проектот „Младите обединети за еднаквост“ поддржан од Европската младинска фондација и Советот на Европа.