Еквалис ги отвора своите врати за сите заинтересирани млади, активни граѓан(к)и, трагач(к)и по слободен простор за изразување и практикување заедништво, оние што имаат потреба да замислат и заедно да чекорат кон поправедна иднина.
Отворениот ден во Еквалис ќе се одржи на 14 октомври од 12:00 во канцелариите на Еквалис. Тука ќе може да слушнете повеќе за:
-Младинските едукативни програми во Еквалис (активно граѓанство, креативни активистички интервенции и онлајн активизам)
-Програмата за демократија и директен граѓански ангажман во заедницата
-Квир клубот на Еквалис и безбедни простори за ЛГБТИ+ заедницата
-Можности за мобилност и патување преку програмите Еразмус + и нашите интернационални партнери
На Отворениот ден ќе имате можност да се запознаете со волонтер(к)ите на Еквалис, учесниц(ч)ки на нашите програми и од прва рака да дознаете какви искуства имале со организацијата. Ве покануваме на една од трите станици коишто ќе бидат поставени на отворениот ден каде што ќе може да разговарате со искусни членови на нашата организација коишто ќе ви го пренесат нивното трансформативно искуство со Еквалис.
За време на отворениот ден ќе дознаете повеќе активностите што ќе следат во Еквалис, а ќе имате можност да се зачлените во организацијата.
Поради ограничен број на местата, задолжителна е претходна регистрација на следниот линк: https://forms.gle/4PGGhucFH6w27yyB7
По регистрацијата ќе ви стигне мејл со инструкции за локацијата и програмата на отворениот ден.