Еквалис ги отвора своите врати за сите заинтересирани млади, активни граѓан(к)и, трагач(к)и по слободен простор за изразување и практикување заедништво, оние што имаат потреба да замислат и заедно да чекорат кон поправедна иднина.
Прочитајте го нашиот последен годишен извештај и информирајте се за нашата локална, национална и меѓународна работа. Во 2022, Еквалис имплементираше повеќе различни едукативни програми и проекти, ги продлабочи своите партнерства и мрежни активности и беа имплементирани повеќе јавни локални интервенции. Во годишниот извештај се вклучени и финансиите за 2022година на организаицјата.
Овој роденден го прославуваме под мотото „5 години Еквалис- 5 години истрајност“ гледајќи наназад кон сите предизвикувачки периоди коишто ги поминуваме и коишто покрај се ни даваат дополнителна сила за борба, но и гледајќи нанапред преку лансирање на нашата нова Младинска мрежа за еднаквост.
Дознајте повеќе за младинските програми за род и феминизам, активно граѓанство, креативно актвистички интервенции и онлајн активизам.
Еквалис се залага за адресирање на теми поврзани со изградба на мирот, поттикнување на луѓе од различни етнички, како и социјални позадини да градат визии за заедничка иднина, како и овозможување на средина во којашто помирувањето настанува преку дијалог и отворен простор.
Младинската мрежа за еднаквост на Еквалис е опративно дело на организацијата што е составено од активисти од целата државата коишто работат на полињата: родова еднаквост, ЛГБТИ+ еднаквост и меѓуетнички соживот.
Визијата на Мрежата е инклузивно општество за сите млади.
Мисијата на Младинската мрежа за еднаквост е да ги вклучи младите од маргинални идентитети во процесите на донесување одлуки и да ги елиминира стигмите, предрасудите и стереотипите кон преку креирање безбеден простор, активизам, лобирање и локална волонтерска работа.
